Sahi bola, bhaayaa. Iss thread pe newbies ke aane koi kaam nahin. Aur unka bhi jo saale subhe toilet jaate hain toh nifty ka chart le ke. :lol:
Bhagwan poore din mein saari duniya ke haathon ki lines itni uppar neeche nahin karta jitni iss saare forum mein charts pe hoti hain - wo bhi 5 min ke time frame pe!.
Koi Gann mein ghusa hai toh koi Fib lines se apni trading ka gala ghont raha hai. Koi options strategies ke jaal mein uljha hai toh koi OI ka panchaang khol ke baitha hai. Subhe shaam Market bhaag rahi hoti hai 100 ki speed pe aur ye steering wheel chodd ke roadmap dekh rahe hote hain. Real trader 5-10k bana ke chupchaap sarak leta hai market se, aur ye log saare forum pe contract note taang dete hain ki ji 'made 9.01758443 nifty points' aur saath me ye :clap: laga dete hain! Aur jab Predictor ya Manish bhai jaisa banda calls deta hai toh profit banane ki bajaye baal ki khaal nikaalne aa jaate hain ki ji kya logic hai iske peeche, system backtest kiya ya nahin?... Ab inse koi pooche ki tumhe paida karne se pehale tumhare mummy papa ne kya 'backtest' kiya tha?
Bhai predictor, apna ye thread international satta baazar ke side pe bana ek chota sa chai ka khokha samjho, jahan 2-4 bhai milte hain aur mil-jul ke paisa banane ke chakkar mein hote hain. Jisko saala menu-based 5 star continental breakfast karna hai ya catering ki training leni hai, toh bhai yahan se foot lo patli gali se. TJ pe bahut thread hain. Apna tin-tappar joote-chappal vahaan le jaao.